மனக் கண்ணாடி

அழகாய் இருப்பதை
அப்படியே ரசிப்பதும்

இருப்பதை யெல்லாம்
அழகாய் பார்ப்பதும்

அத்தனையும் சாத்தியம்

இந்த கண்ணாடியில் மட்டும்

துட்டு

சந்தோசப்படுத்தும் சாத்தான்

அனுபவமளிக்கும் ஆசான்

உழைப்பவன் வியர்வை

ஊதாரியின் ஊன்றுகோல்

துறவிக்கும் சோறுபோடும்

ஆட்கொள்ளும் அடிமையாக்கும்

தேவைக்கும் இது தேவை

அனைத்தையும் வாங்கலாம்

அம்மா அப்பா தவிர

எழுதலாம் எழுதலாம் எத்தனையோ

இப்போது எனக்கு உடனடித் தேவை

அந்த பொல்லாத . . . . . . .

. . . . . பணம்

எழுத்தறிவித்தல்

சாகாமல்
சொர்க்கம்
காண
ஆசையா!


நோகாமல்
நோக்கம்
நிறைவேற
வேண்டுமா?


நினைத்த
மாத்திரத்தில்
புண்ணியம்
தேடலாம் வா!



விடுகதைக்கு
விடை

ஆங்கோர் ஏழைக்கு
எழுத்தறிவித்தல்

ஒரு எளிய கவிஞனின் இனிய அறிமுகம்

வணக்கம்,

கவிதைகள் மீதான காதலில் மயங்கிக் கிடக்கும் கோடானு கோடி எளியவர்களின் ஒருவன் நான். இணையத்தோடு ஓரளவிற்கு பல வருட பரி்ச்சியம் கொண்டவன். என் கவிதைத் துளிகளையும் இணையத்தில் இணைக்க கொண்ட ஆசை இன்று முதல் நிறைவேறப் போகிறது.

ஆர்வம் உள்ள அளவிற்கு சிரத்தை இல்லாமல் போனதால் பல கவிதைகளை நானே இழந்ததுண்டு. இனி என் கவிதைகளை இங்கே தொடரப் போகிறேன். வலையுலகிற்கு என்னை அறிமுகம் செய்வதில் பெருமையும் ஆனந்தமும் கொள்கிறேன்.

என்றும் அன்புடன்

முத்துராம்